1–4 сыныптарда «Отбасы – бұл сөзде қаншама мағына бар!» тақырыбында сынып сағаты өткізілді

Оқушылардың отбасына деген сүйіспеншілігі мен құрметін тәрбиелеу, отбасылық дәстүрлердің құндылығын қалыптастыру, туыстық байланыстардың маңыздылығын түсіндіру және отбасының адам өміріндегі рөлін ұғындыру мақсатында 1–4 сыныптарда «Отбасы – бұл сөзде қаншама мағына бар!» тақырыбында сынып сағаты өткізілді.
Сынып сағаты барысында балалар отбасының адам өміріндегі орны туралы әңгімелесіп, өз отбасылық дәстүрлері жайында, туыстарына қалай көмектесетіні туралы айтып берді. Олар өз тәжірибелерімен бөлісіп, сыныптастарының әңгімелерін қызығушылықпен тыңдап, бір-біріне құрмет көрсетті. Сынып сағаты түрлі қызықты ойындармен және әңгімелермен толықтырылып, балалар достық, өзара көмектесу мен қолдау көрсету ұғымдарын тереңірек түсінді.