Текст
17.10.2025
Биыл біздің мектептің 9-сынып оқушылары алғаш рет ұйымдастырылған Қаржылық сауаттылық бойынша олимпиадаға қатысты. Олимпиаданың мақсаты – оқушылардың жеке қаржыны басқару дағдыларын дамыту, ақшаға деген жауапкершілікті көзқарасты қалыптастыру және экономикалық мәдениеттің негіздерін түсіну.
Оқушылар отбасы бюджетін, банк қызметтерін, салықтар мен инвестицияларды қамтитын тапсырмаларды қызығушылықпен шешті. Олимпиадаға қатысу олар үшін тек білімдерін сынау ғана емес, сонымен қатар болашақта қаржылық сауатты болуға жасалған маңызды қадам болды.
Барлық қатысушыларды шын жүректен құттықтаймыз және оларға алдағы уақытта сәттілік пен жаңа жетістіктер тілейміз!