23.10.2025
Елімізде жыл сайын 25 қазанда ұлттық мереке – Қазақстан Республика күні атап өтіледі. Осы айтулы күнге орай біздің мектепте 23 қазанда салтанатты жиын өтті. Бұл мемлекеттіліктің, Тәуелсіздіктің және Қазақстан халқының бірлігінің нығаюын бейнелейтін маңызды мереке.
Іс-шара Қазақстан Республикасының Мемлекеттік Әнұранын орындаудан басталды. Оқушылар мен мұғалімдерге арнаған құттықтау сөзінде мектеп директоры бұл мерекенің әрбір азамат үшін маңыздылығын атап өтті.
Сап барысында оқушылар Қазақстан тәуелсіздігінің қалыптасу тарихына арналған патриоттық қойылымдар, өлеңдер мен әндер орындады.
Мұндай іс-шаралар өскелең ұрпақтың бойында патриоттық сезімді, Отанға деген құрметті және өз еліне деген мақтаныш сезімін тәрбиелеуге ықпалын тигізеді.