17.02.2026
МИФ онкүндігі аясында 5–6 сынып оқушылары арасында «ИнфоФилворд – жас информатиктер сайысы» атты танымдық ойын ұйымдастырылды. Негізгі мақсаты – оқушылардың логикалық ойлау қабілетін дамыту, ақпаратты талдау және өңдеу дағдыларын қалыптастыру, сондай-ақ информатика пәніне деген қызығушылықтарын арттыру болды.Ойын барысында топтар компьютерде жұмыс жасап, берілген тақырып бойынша ақпараттық технологиялар саласына қатысты терминдерден өз филвордтарын құрастырды. Кейін олар тапсырмаларымен алмасып, қарсылас топтардың дайындаған филвордтарын шешуге кірісті. Бұл кезең оқушылардың білімін ғана емес, олардың тапқырлығын, ұқыптылығын және бірлесе әрекет ету қабілетін де айқындады.Іс-шара достық әрі тартысты жағдайда өтті. Қорытынды нәтижеге сәйкес, 6-сынып оқушылары үздік нәтиже көрсетіп, жеңімпаз атанды. Қатысушылар жаңа білім алып, тәжірибе жинақтап, информатикаға деген қызығушылықтарын арттырды.