20.02.2026
9-сынып оқушыларына арналған математика, информатика және физика пәндері онкүндігі шеңберінде «Ұлы физиктер жолымен» атты интеллектуалдық сайыс ұйымдастырылды. Негізгі мақсаты – физика ғылымының қалыптасу тарихы мен оның дамуына зор үлес қосқан атақты ғалымдар туралы білімдерін тереңдету.Сайыс барысында оқушылар әртүрлі тапсырмаларды орындады: белгілі физиктердің суреттерін олардың ғылыми жаңалықтарымен сәйкестендіріп, өз білімдерін дәлелдеді. Сонымен қатар QR-кодтар арқылы берілген интерактивті тапсырмалар оқушылардың цифрлық құзыреттілігін арттырып, ақпаратты өздігінен іздеп табу дағдыларын жетілдіруге мүмкіндік берді. Бұл жұмыстар олардың ой-өрісін кеңейтіп, физика пәні бойынша білімдерін нығайтуға ықпал етті.Іс-шара тартымды әрі мазмұнды өтті. Қатысушылар белсенділік танытып, логикалық ойлау қабілеттерін көрсетті. Сайыс оқушылардың танымдық қызығушылығын арттырып, алған білімдерін талдап, тәжірибеде қолдана білу дағдыларын дамытуға жағдай жасады.