Аудандық семинар біздің мектеп базасында өтіп, қатысушылар тарапынан оң бағасын алды. Іс-шара «Адал Азамат» бағдарламасы аясында құндылықтарға негізделген тәрбие және оқыту мен тәрбиенің сабақтастығы тақырыбына арналды

Аудандық семинар біздің мектеп базасында өтіп, қатысушылар тарапынан оң бағасын алды. Іс-шара «Адал Азамат» бағдарламасы аясында құндылықтарға негізделген тәрбие және оқыту мен тәрбиенің сабақтастығы тақырыбына арналды. Семинар қонақтарды тіркеуден өткізіп, ресми ашылу салтанатымен бастау алды. Ашылу барысында негізгі бағыттар белгіленді. Бұдан кейін директордың оқу-тәрбие ісі жөніндегі  орынбасары баяндама жасап, мектептегі сабақтастық жүйесін жан-жақты таныстырып, бағдарламаны іске асырудағы тиімді тәжірибелерді ұсынды. Семинардың тәжірибелік бөлімі мазмұнға бай әрі жан-жақты ұйымдастырылды. Қатысушылар әдебиет, химия, география, математика және құқық негіздері пәндерін қамтыған кіріктірілген сыныптан тыс іс-шараға, зияткерлік-спорттық ойынға, сондай-ақ 8-сыныптағы биология пәнінен ашық сабаққа қатысты.Барлық өткізілген жұмыстар нақты жоспарлануымен, оқушылардың белсенді қатысуымен және заманауи білім беру әдістерін тиімді қолдануымен ерекшеленді. Этноауылға ұйымдастырылған экскурсия мен «Ата-баба тынысы» атты шеберлік сабағы қатысушыларға ұлттық дәстүрлердің мәнін терең түсінуге және олардың тәрбие үдерісіндегі рөлін айқын көруге мүмкіндік берді. Қорытынды рефлексия барысында педагогтер ұсынылған тәжірибенің тиімділігі мен практикалық құндылығын, мұғалімдердің жоғары кәсіби деңгейін және тақырыптың заманауи маңызын ерекше атап өтті. Қатысушылар көрсетілген жұмыс тәсілдері оқушылардың азаматтық және адамгершілік қасиеттерін қалыптастыруға оң әсер ететінін жеткізді.Семинар соңында ұйымдастырушыларға көрсетілген ілтипат, мазмұнды әрі жан-жақты бағдарлама және тәжірибе алмасуға жасалған мүмкіндік үшін алғыс сөздер айтылды. Жалпы, іс-шара жоғары деңгейде өтіп, қонақтарда жақсы әсер қалдырып, жаңа идеяларды өз тәжірибесінде қолдануға қызығушылық артырды.