Мектепте «Қауіпсіз жаз және жаңа оқу жылына дайындық» тақырыбында жалпы мектептік ата-аналар жиналысы ұйымдастырылды

Мектепте «Қауіпсіз жаз және жаңа оқу жылына дайындық» тақырыбында жалпы мектептік ата-аналар жиналысы ұйымдастырылды. Кездесу мектеп әкімшілігі мен ата-аналардың еркін пікір алмасуына негізделген ашық форматта өтті.Жиын барысында оқу жылының нәтижелері қорытындыланып, оқушылардың білім, өнер, спорт және ғылыми бағыттағы жетістіктері ерекше аталып өтті. Сонымен қатар ата-аналарға мектеппен тығыз байланыс орнатып, түрлі іс-шараларға белсенді атсалысқандары үшін ризашылық білдірілді.Жазғы демалыс кезіндегі балалар қауіпсіздігі басты назарда болды. Ата-аналарға балалардың қауіпсіздігін қадағалау, судағы, жолдағы және өрт қауіпсіздігі ережелерін сақтау, түрлі төтенше жағдайлардың алдын алу жөнінде маңызды түсіндіру жұмыстары жүргізілді.Интерактивті талқылау барысында қатысушылар жаз мезгілінде туындауы мүмкін қауіптердің алдын алу жолдарын қарастырып, «Қауіпсіз жаз» ережелерінің ортақ тізімін жасады. Сондай-ақ балалардың жазғы демалысын тиімді ұйымдастыру, ата-аналардың жауапкершілігі және алдағы оқу жылына дайындық мәселелері сөз болды.Іс-шара өзара түсіністік пен ынтымақтастық рухында өтіп, бала тәрбиесі мен қауіпсіздігін қамтамасыз етуде мектеп пен отбасының бірлескен жұмысы аса маңызды екені атап өтілді.