Мектебімізде «Отбасы – бар бастаудың бастауы» ұранымен Отбасы апталығының салтанатты ашылуы өтті

Ақпараттық жиын барысында оқушылар мен педагогтерге алдағы іс-шаралардың жоспары таныстырылды. Сонымен қатар әр адамның өміріндегі отбасының маңызына, отбасылық дәстүрлерді сақтаудың, өзара түсіністік пен құрметтің, бір-біріне қолдау көрсетудің маңыздылығына ерекше назар аударылды.Отбасы — сүйіспеншілік пен мейірімділіктің, жылулық пен өзара қолдаудың мекені. Отбасылық құндылықтарды дәріптеу — өскелең ұрпақтың бойында адамгершілік қасиеттерді қалыптастырудың маңызды негізі.Іс-шара барысында адамның алғашқы адамгершілік құндылықтары отбасында қалыптасатыны, баланың мінез-құлқы мен қоршаған ортаға деген көзқарасы отбасында қалыптасатыны атап өтілді.Отбасы — сүйіспеншіліктің, қамқорлықтың және рухани қолдаудың қайнар көзі. Ал отбасы мен мектептің өзара бірлігі мен ынтымақтастығы үйлесімді тұлғаны тәрбиелеуге қолайлы жағдай жасайды. Отбасы апталығы барысында оқушыларды, ата-аналар мен педагогтерді шығармашылық байқаулар, спорттық іс-шаралар, зияткерлік тапсырмалар, отбасылық акциялар және басқа да қызықты шаралар күтеді.Барлық іс-шаралар отбасылық құндылықтарды нығайтуға, өзара түсіністік пен сыйластықты арттыруға, сондай-ақ отбасылық қарым-қатынас мәдениетін дамытуға бағытталған. Бұл апта жылы кездесулерге, жарқын әсерлерге және жақын жандарымызға «Отбасымыз бар болғанына  рахмет!» деп айтудың тағы бір тамаша мүмкіндігіне толы болсын!